ASTROLOGY

12 星座有邊個係工作狂?


成為工作狂原來同星座有關,有唔同嘅原因令佢哋變成工作狂,一齊睇下有邊啲星座係天生勞碌、熱愛勞動?工作狂又有冇你份呢?

圖片來源:Pexels.com、Marvin Meyer & Richard Ciraulo on Unsplash.com


雙子座



雙子座成為工作狂只因為偶然嘅機會,因為工作表現唔錯而讓同事依賴佢、或得到上司嘅提拔;又因為日漸被倚重,唯有精益求精,做得更加好,所以誤打誤撞變成咗工作狂。其次,雙子座都幾好勝,萬一遇到強勁對手絕對不甘示弱,唔想被比下去,所以又被逼變成工作狂喇。



獅子座





喜歡做焦點嘅獅子座極度需要一個舞台,從工作中就好容易搵到佢哋嘅「表演平台」,因此佢哋好努力工作去表現自己。日常生活中,獅子其實都好懶,只不過佢哋認為工作,係一個只要努力就有收成嘅地方,所以就會努力工作,但並唔代表佢哋對工作有興趣。純粹,係因為有責任心同埋奴性太強。



處女座



由水星守護嘅處女座,容易焦慮同緊張,所以佢哋接受唔到自己太悠閑,因為太得閒會令佢哋亂諗太多,變得更加緊張同焦慮。所以一直keep 住忙碌嘅狀態,反而令佢哋唔顧慮得咁多。
處女座對工作嘅態度十分清晰,就係既然能夠做到最好,就要一絲不苟地完成。細心嘅處女座,亦鍾意諗多一步,交貨畀人只會做多唔會做少。而且佢哋天生就係「管理」嘅材料,甚至可能連返到屋企都放唔低主管嘅氣勢。



天秤座





話天秤座係嫁咗畀工作,一啲都唔誇張。十分注重「平衡」嘅佢哋,追求極度完美嘅平衡感。對於未達至完美嘅部份,佢哋會忍唔住插手完成。富有責任感嘅天秤,更會自願24 小時standby 處理公事。
另外,由於佢哋想做個有能力嘅人,認為能夠處理到件事,即係證明自己係個有能力嘅人,所以當工作係一種磨鍊。強大嘅責任感,亦令佢哋其實冇咩私生活可言,就算約咗另一半、就算返到屋企,都會隨身帶住公司電腦,隨時處理公事。



天蠍座





實事求是嘅天蠍座,對於工作嘅狂熱通常來自可觀嘅利益,或對於佢哋來講嗰樣嘢係有相當嘅價值,就會令佢哋落力付出。例如,佢哋本身對某方面好有興趣,或者覺得假若自己做得好好嘅話,人哋會好睇得起自己,咁樣佢哋就會好有動力、全情投入去做。
有趣嘅係,水象星座天蠍座好睇心情同感覺,例如佢開緊turbo 沉醉於工作中嘅時候,好棹忌被打斷。明明好順暢地處理緊多個tasks,點知突然要開個緊急會議、聽個緊要電話,打斷咗佢嘅工作情緒,可能佢又需要一啲時間,先可以投入返去沉醉嘅狀態。
有耐性嘅天蠍座,一旦set 定目標,就要做到達標為止,唔輕言放棄,所以成功嘅機率好高喔。



山羊座



山羊座並唔相信運氣,佢哋只相信成功係靠實力同經驗,所以工作上會竭盡全力,凡事親力親為。但勞碌背後嘅原因,其實係源自佢哋信唔過其他人,唔放心交啲嘢畀同事跟。即使已經交咗畀同事做,佢哋都係唔放心,會自己double check 多次。如是者,會令自己好大壓力,又冇人分擔到自己嘅責任,表面睇以為係「偉大」,但其實咁辛苦係有啲自作自受嘅。不過雖然山羊座後生嘅時候係辛苦啲,但到年紀大咗通常都會變得有成就,所以悲觀主義有時都有好處ga。



雖然各位工作狂都好努力不懈,為咗有個更好嘅將來而埋頭苦幹地工作,但都唔好顧住做嘢而忽視咗健康、忽略咗身邊重要嘅人呀。

想追蹤更多資訊,請 Like & Follow 我地FB專頁啦